Welkôm op de sait van "Jennifer Dibbets"

Örges in '89 hadde mien pap en mam weer ens zin um d'n ooievaar te bestelle.Ze tooge daorveur nao baove um deze op te gaon belle.Naodet dae 9 maônd  ônderwaeg waas gewaes stônd hae beej mien elders op de stoep um mich aaf te gaeve. Unne naam meus d'r kômme en vanaf dezen daag (11-07-1990) ging ik as Jennifer door 't laeve. Al vruug bleek det ik gek waas van de kleure rôed gael en greun maar baovenal op de kômbinasie rôed-blauw,neet gehiel toevallig de kleure van ôs stad. Auk mien oma Bettie wao ik vuul eurkes doorbrach heel vuul van dees kleure en net as ik van Venlo. De "vastelaovend" leep als eine roeie draod door ôs laeve en we zônge same de leedjes van ôs stad waôbeej we de alde leedjes noëits vergoote. Oma Bettie haet ôs môtte verlaôte maar ze wis mich waal noch um te praote. Ik meus gaon zinge en det meus ik eur belaove en ik weit als ik dit doon kiek zeej naor mich van dao baove.Um oma te gedinke zing ik,als andere ein glaeske drinke.Det dit mit vastelaovend môt gebeure is det ik oma heb belaof um mit dees daag neet te treure.Mien motto is dan auk "Laef dien laeve en plök dén daag" 

De CDsingle "Dan dink ik aan Venlo" opgenaome mit "Us em Levve" oét Kölle.

Hannelore Winter schreef de Venlose teks.